

మార్వెల్ అభిమానులు ఎంతో ఆసక్తిగా ఎదురుచూస్తున్న ‘అవెంజర్స్: డూమ్స్డే’ విడుదలకు సిద్ధమవుతోంది. ఈ సినిమా డిసెంబర్ 17, 2026న భారత్లో థియేటర్లలోకి రానుంది. అమెరికాలో విడుదలకు ఒకరోజు ముందే మన దేశంలో ప్రదర్శించనున్నారు. ఇప్పటికే బుక్మైషో, డిస్ట్రిక్ట్ యాప్లలో అడ్వాన్స్ బుకింగ్స్ ప్రారంభమయ్యాయి. బుకింగ్స్ మొదలైనప్పటి నుంచి టికెట్ల అమ్మకాలు వేగంగా జరుగుతున్నాయని, బుక్మైషోలో గంటకు సుమారు 9 వేల టికెట్లు అమ్ముడవుతున్నట్లు సమాచారం. ఐమ్యాక్స్, 4DX, ఇన్ఫినిటీ విజన్ వంటి ప్రీమియం ఫార్మాట్లలో సినిమా చూసేందుకు ప్రేక్షకులు ఆసక్తి చూపిస్తున్నారు. కొన్ని నగరాల్లో ఇన్ఫినిటీ విజన్ టికెట్ ధరలు సుమారు రూ.2,000 వరకు ఉన్నట్లు తెలుస్తోంది.
రుస్సో బ్రదర్స్గా పేరొందిన ఆంథోనీ, జో రుస్సో ఈ చిత్రానికి దర్శకత్వం వహిస్తున్నారు. ఇందులో రాబర్ట్ డౌనీ జూనియర్ ప్రతినాయకుడు డాక్టర్ డూమ్ పాత్రలో కనిపించనున్నారు. మార్వెల్ సినిమాల్లో ఆయన కొత్త పాత్రలో తిరిగి రావడం అభిమానుల్లో ఆసక్తిని పెంచుతోంది. క్రిస్ ఎవాన్స్, క్రిస్ హేమ్స్వర్త్ కూడా ఈ సినిమాలో భాగమయ్యారు. ఇంగ్లీష్తో పాటు హిందీ, తెలుగు, తమిళం, మలయాళ భాషల్లో ఈ చిత్రం విడుదల కానుంది. అడ్వాన్స్ బుకింగ్స్కు వస్తున్న స్పందనతో సినిమా విడుదలపై ప్రేక్షకుల్లో ఉన్న అంచనాలు స్పష్టమవుతున్నాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!