గ్రాండ్‌గా అల్లు శిరీష్ ప్రీ వెడ్డింగ్ వేడుక

టాలీవుడ్ హీరో అల్లు శిరీష్ మరియు నయనిక రెడ్డి వివాహ వేడుకలు హైదరాబాద్‌లో అత్యంత వైభవంగా జరుగుతున్నాయి. కొకపేటలోని అల్లు స్టూడియోస్ లో సినీ ప్రముఖుల కోసం ఘనమైన ప్రీ వెడ్డింగ్ విందు ఏర్పాటు చేశారు. ఈ కార్యక్రమానికి నందమూరి బాలకృష్ణ, మోహన్ బాబు, నాగార్జున, నాని, నాగచైతన్య తదితర సినీ తారలు హాజరై సందడి చేశారు. రాజకీయ ప్రముఖులు కూడా పాల్గొని శుభాకాంక్షలు తెలిపారు.

ఇటీవల అల్లు వారి నివాసంలో పెళ్లికొడుకు కార్యక్రమం ఘనంగా నిర్వహించారు. ఈ వేడుకలో అల్లు అర్జున్ – స్నేహారెడ్డి, రామ్ చరణ్ – ఉపాసన దంపతులు ప్రత్యేక ఆకర్షణగా నిలిచారు. అలాగే ఇటీవల వివాహం చేసుకున్న విజయ్ దేవరకొండ – రష్మిక మందన్న జంట కూడా వేడుకకు హాజరైంది. ఈ నెల 6, 2026 న ప్రధాన వివాహం కుటుంబ సభ్యులు, అత్యంత సన్నిహితుల సమక్షంలో ప్రైవేటుగా జరగనుంది. అదే రోజు అల్లు అర్జున్ – స్నేహారెడ్డి వివాహ వార్షికోత్సవం కావడం విశేషం.