శిరీష్ – నయనిక ప్రేమకథ వెనుక వరుణ్, నితిన్ పాత్ర – మెగా కుటుంబంలో మరో పెళ్లి సందడి!

టాలీవుడ్‌లో మరో సెలబ్రిటీ వెడ్డింగ్‌కు రంగం సిద్ధమైంది. అల్లు అరవింద్ చిన్న కుమారుడు అల్లుశిరీష్ త్వరలో ఓ ఇంటివాడు కాబోతున్నాడు. ఆయన నయనిక అనే అమ్మాయితో ప్రేమలో పడి, ఇటీవలే నిశ్చితార్థం చేసుకున్నాడు. హైదరాబాద్‌లో జరిగిన ఈ వేడుకకు మెగా కుటుంబమంతా హాజరై, జంటను ఆశీర్వదించింది. వేడుక ఫొటోలు సోషల్ మీడియాలో వైరల్‌గా మారాయి. ఇప్పుడంతా నయనిక ఎవరు? వీరి ప్రేమ ఎప్పుడు మొదలైంది? అని సోషల్ మీడియాలో వెతుకుతున్నారు. శిరీష్ ఈ ప్రశ్నకు సమాధానమిచ్చాడు. ఒక సోషల్ మీడియా పోస్ట్ ద్వారా తన ప్రేమ కథను బ్రీఫ్‌గా వెల్లడించాడు.

వరుణ్ తేజ్–లావణ్య త్రిపాఠి పెళ్లి ఈ ప్రేమకు కారణమట! ఆ పెళ్లి తర్వాత హీరో నితిన్, ఆయన భార్య షాలిని ఒక పార్టీ ఏర్పాటు చేశారు. షాలినీ బెస్ట్ ఫ్రెండ్ నయనిక ఆ పార్టీకి హాజరైందట. అప్పుడే తొలిసారి నయనికను చూశాడట శిరీష్. ఆ పరిచయం క్రమంగా ప్రేమగా మారి, ఇప్పుడు నిశ్చితార్థంగా మారిందని తెలిపాడు. “ఒక రోజు మన పిల్లలు మన ప్రేమ కథ అడిగితే, ఈ జ్ఞాపకం చెప్పుతా” అని శిరీష్ ఎమోషనల్‌గా రాశాడు. తనను ఫ్రెండ్స్ సర్కిల్‌లో చేర్చుకున్నందుకు నయనిక స్నేహితులందరికీ ధన్యవాదాలు చెప్పాడు.

శిరీష్–నయనిక పెళ్లి ఫిబ్రవరిలో జరగబోతుందన్న టాక్ ఇండస్ట్రీలో వినిపిస్తోంది.