ఎంబీబీస్ పట్టా అందుకున్న హీరోయిన్ శ్రీలల..

నటిగా రాణిస్తూనే హీరోయిన్ శ్రీలీల ఎంబీబీఎస్ చదువు పూర్తి చేసి తాజాగా వైద్య పట్టా అందుకున్నారు. దీనికి సంబంధించిన ఫోటోలు సోషల్ మీడియాలో వైరల్ కావడంతో అభిమానులు మరియు నెటిజన్లు ఆమెకు శుభాకాంక్షలు తెలియజేస్తున్నారు. సినిమాల్లో బిజీగా ఉన్నప్పటికీ ఖాళీ సమయాన్ని చదువుకు కేటాయిస్తూ తన లక్ష్యాన్ని సాధించటం విశేషంగా నిలిచింది. ఇకపై ఆమెను “డాక్టర్ శ్రీలీల”గా అభిమానులు సంబోధిస్తున్నారు.

తన కుటుంబంలో జరిగిన ఒక సంఘటన కారణంగా డాక్టర్ కావాలనే నిర్ణయం తీసుకున్నట్లు శ్రీలీల తెలిపారు. వరుస షూటింగ్లతో తీరిక లేకుండా గడిపినా చదువుపై ఏమాత్రం నిర్లక్ష్యం చేయకుండా ఎంబీబీఎస్ డిగ్రీని విజయవంతంగా పూర్తి చేసి, 2026 ఫిబ్రవరి 11న జరిగిన కాన్వకేషన్ వేడుకలో అధికారికంగా పట్టా అందుకున్నారు. 2019లో కన్నడ సినిమా ‘కిస్’తో హీరోయిన్‌గా ఎంట్రీ ఇచ్చిన ఆమె, ‘పెళ్లి సందD’తో టాలీవుడ్‌లోకి ప్రవేశించి తక్కువ కాలంలోనే స్టార్ హీరోయిన్‌గా గుర్తింపు పొందారు. ప్రస్తుతం పలు భారీ చిత్రాల్లో నటిస్తూ నటిగా మరియు డాక్టర్‌గా రెండు రంగాల్లోనూ ముందుకు సాగుతున్నారు.