రాత్రిపూట తరచుగా ఆకలి వేస్తుందా? డాక్టర్ల సలహా

కొంతమంది రోజులో మూడు పూటలా సమయానికి భోజనం చేసినప్పటికీ రాత్రి సమయంలో తరచుగా ఆకలి వేస్తుంటుంది. కొన్నిసార్లు అర్ధరాత్రి నిద్రలేచి ఏదైనా తినాలనిపించడం కూడా జరుగుతుంది. దీనిని సాధారణ విషయంగా తీసుకుని నిర్లక్ష్యం చేయకూడదని ఆరోగ్య నిపుణులు హెచ్చరిస్తున్నారు. ఈ పరిస్థితి రోజూ కొనసాగితే తప్పకుండా జాగ్రత్తలు తీసుకోవాలని సూచిస్తున్నారు. రాత్రిపూట ఆకలి ఎందుకు వస్తుంది, నిద్రకు–ఆకలికి మధ్య సంబంధం ఏమిటి అనే విషయాలను తెలుసుకోవడం అవసరం.

రాత్రి ఆకలి వేయడం అనేది శరీరానికి అదనపు శక్తి అవసరమని సూచించే సంకేతంగా భావించవచ్చు. ఇది సాధారణంగా మెదడు శరీరానికి పంపే ఆకలి సంకేతాల వల్ల జరుగుతుందని డాక్టర్ దీపక్ కుమార్ తెలిపారు. కొన్ని సందర్భాల్లో దీనిని ‘నైట్ ఈటింగ్ సిండ్రోమ్’గా పరిగణిస్తారు, ఇందులో రాత్రి సమయంలో ఆకలి ఎక్కువై పదేపదే నిద్రలేచి తినే అలవాటు ఉంటుంది. అయితే ఇది వారానికి ఒకటి లేదా రెండుసార్లు మాత్రమే జరిగితే పెద్ద సమస్య కాదు, కానీ తరచుగా జరిగితే సమస్యగా పరిగణించాలి. నిద్రలేమి ఉన్నవారిలో ‘గ్రెలిన్’ హార్మోన్ పెరిగి ఆకలి ఎక్కువవుతుంది, దీని వల్ల ఈ పరిస్థితి వస్తుంది. దీర్ఘకాలంగా ఇది కొనసాగితే అధిక బరువు, జీవక్రియ సమస్యలు, కాలేయ సంబంధిత సమస్యలు వచ్చే అవకాశం ఉంది. దీనిని నియంత్రించడానికి రోజుకు 3–4 సార్లు సమతుల్య ఆహారం తీసుకోవాలి, రాత్రి తేలికపాటి భోజనం చేయాలి, ఆలస్యంగా నిద్రలేచే అలవాటు మానుకోవాలి మరియు ఒత్తిడిని తగ్గించుకోవాలని నిపుణులు సూచిస్తున్నారు.

గమనిక : ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది.