కమల్ హాసన్ – రజనీకాంత్ మల్టీస్టారర్‌లో త్రిష?

కమల్‌హాసన్, రజనీకాంత్ కలిసి నటిస్తున్న ప్రతిష్ఠాత్మక చిత్రానికి నెల్సన్‌దిలీప్‌కుమార్ దర్శకత్వం వహిస్తున్నారు. ఇటీవల విడుదలైన ఈ ప్రాజెక్ట్ అనౌన్స్‌మెంట్ వీడియోలో ఇద్దరు స్టార్ హీరోలు స్టైలిష్‌గా కనిపించడంతో సినిమాపై భారీ అంచనాలు ఏర్పడ్డాయి. ఇప్పుడు ఈ చిత్రంలో త్రిషకృష్ణన్ కూడా నటించనున్నట్లు కోలీవుడ్ వర్గాల్లో ప్రచారం జరుగుతోంది.

96 సినిమా తర్వాత వరుస విజయాలతో దూసుకెళ్తున్న త్రిష ప్రస్తుతం తెలుగు, తమిళ భాషల్లో బిజీగా ఉన్నారు. ఈ భారీ మల్టీస్టారర్‌లో ఆమె పాత్రకు మంచి ప్రాధాన్యం ఉంటుందని సమాచారం. అయితే ఆమె ఏ హీరోకు జోడీగా కనిపించనున్నారు అనే విషయంపై ఇంకా స్పష్టత లేదు. ఈ చిత్రానికి సంగీతం అనిరుధ్‌రవిచందర్ అందించనున్నట్లు తెలుస్తుండగా, దీనిపై అధికారిక ప్రకటన రావాల్సి ఉంది.