‘పెద్ది’ కొత్త రిలీజ్ డేట్ ఫిక్స్.. మరి నాని ‘ది ప్యారడైజ్’ రిలీజ్ పై నో క్లారిటీ

టాలీవుడ్‌లో భారీ అంచనాల మధ్య తెరకెక్కుతున్న సినిమాల్లో మెగా పవర్ స్టార్ రామ్ చరణ్ నటిస్తున్న ‘పెద్ది’, న్యాచురల్ స్టార్ నాని చేస్తున్న ‘ది ప్యారడైజ్’ ముఖ్యమైనవిగా నిలిచాయి. మొదట ఈ రెండు సినిమాలు బాక్సాఫీస్ వద్ద పోటీగా నిలవనున్నట్లు మేకర్స్ రిలీజ్ డేట్స్ ప్రకటించారు. ‘ది ప్యారడైజ్’ ను మార్చి 26 న, ‘పెద్ది’ ను మార్చి 27 న విడుదల చేయాలని ప్లాన్ చేశారు.

అయితే షూటింగ్ పూర్తి కాకపోవడంతో రెండు సినిమాలూ తమ రిలీజ్ డేట్స్‌ను మార్చుకున్నాయి. ఇందులో భాగంగా ‘పెద్ది’ సినిమా ఏప్రిల్ 30 న ప్రపంచవ్యాప్తంగా విడుదల అవుతుందని మేకర్స్ అధికారికంగా ప్రకటించారు. దీంతో మెగా అభిమానులు ఆ తేదీ కోసం ఆసక్తిగా ఎదురుచూస్తున్నారు. కానీ నాని నటిస్తున్న ‘ది ప్యారడైజ్’ సినిమా రిలీజ్ డేట్‌పై ఇప్పటివరకు ఎలాంటి స్పష్టత రాలేదు.

ఇన్‌సైడ్ టాక్ ప్రకారం, నాని అండ్ టీమ్ తొందరపడి రిలీజ్ డేట్ ప్రకటించకూడదని భావిస్తున్నారట. ఈ సినిమా వేసవి తర్వాతే ప్రేక్షకుల ముందుకు వచ్చే అవకాశం ఉందని సమాచారం. శ్రీకాంత్ ఓదెల దర్శకత్వంలో తెరకెక్కుతున్న ఈ చిత్రాన్ని ఎస్‌ఎల్‌వి సినిమాస్ బ్యానర్‌పై సుధాకర్ చెరుకూరి నిర్మిస్తున్నారు.