‘ధర్మన్‌’తో మళ్లీ జతకట్టనున్న హిట్‌ జోడీ

‘చంద్రముఖి’, ‘దర్బార్‌’ వంటి చిత్రాల్లో కలిసి నటించి ప్రేక్షకులను అలరించిన రజనీకాంత్‌, నయనతార మరోసారి వెండితెరపై సందడి చేయనున్నట్లు సమాచారం. రజనీకాంత్‌ కథానాయకుడిగా అశ్వత్‌ మారిముత్తు దర్శకత్వంలో తెరకెక్కుతున్న చిత్రం ‘ధర్మన్‌’. ఈ సినిమాలో నయనతార ఓ కీలక పాత్రలో కనిపించనున్నట్లు ప్రచారం జరుగుతోంది. ఆమె పాత్ర చిత్రానికి ప్రధాన ఆకర్షణగా నిలవనుందని, త్వరలోనే దీనిపై అధికారిక ప్రకటన వెలువడే అవకాశం ఉందని తెలుస్తోంది.

కమల్‌ హాసన్‌, ఆర్‌. మహేంద్రన్‌ కలిసి రాజ్‌కమల్‌ ఫిల్మ్స్‌ ఇంటర్నేషనల్‌ పతాకంపై ఈ చిత్రాన్ని నిర్మిస్తున్నారు. ప్రస్తుతం సినిమా చిత్రీకరణ శరవేగంగా కొనసాగుతోంది. ఇందులో రజనీకాంత్‌ స్టైలిష్‌ వైద్యుడి పాత్రలో కనిపించనున్నట్లు సమాచారం. సిమ్రన్‌, రాశీఖన్నా తదితరులు కీలక పాత్రలు పోషిస్తున్నారు. నయనతార ఈ చిత్రంలో నటించనున్నారనే వార్తతో అభిమానుల్లో ఆసక్తి పెరుగుతోంది.