నిర్మాత కోసం పవన్ త్యాగం.. పిఠాపురం ఇల్లు తాకట్టు పెట్టిన పవర్ స్టార్!

తెలుగు సినిమా ఇండస్ట్రీలో పవన్ కళ్యాణ్‌కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. నటుడిగా, రాజకీయ నాయకుడిగా బిజీగా ఉన్నా, సినిమాల విషయంలో నిర్మాతలకు అండగా నిలవడం ఆయన ప్రత్యేకత. తాజాగా ‘హరిహర వీరమల్లు’ సినిమా నిర్మాతలు తీవ్ర ఆర్థిక ఇబ్బందుల్లో ఉన్నారని తెలుసుకున్న పవన్ కళ్యాణ్, వారికి పూర్తి స్థాయిలో సహాయం చేసినట్లు టాలీవుడ్ వర్గాల్లో చర్చ నడుస్తోంది. నిర్మాతల కోసం ఆయన తన పిఠాపురం ఇంటిని తాకట్టు పెట్టి అప్పులు తీర్చినట్లు వార్తలు వైరల్‌గా మారాయి.

‘హరిహర వీరమల్లు’ భారీ అంచనాలతో విడుదలై తొలి రోజు మంచి ఓపెనింగ్స్ అందుకున్నప్పటికీ, నెగటివ్ టాక్ కారణంగా ఆశించిన స్థాయిలో వసూళ్లు రాలేదు. సుమారు రూ.250 కోట్ల బడ్జెట్‌తో తెరకెక్కిన ఈ సినిమా ప్రపంచవ్యాప్తంగా దాదాపు రూ.110 కోట్ల గ్రాస్ మాత్రమే సాధించిందని ట్రేడ్ అంచనాలు చెబుతున్నాయి. దీంతో నిర్మాతలు, బయ్యర్లు భారీ నష్టాలు ఎదుర్కొన్నారు. ఈ పరిస్థితుల్లో పవన్ కళ్యాణ్ తన మొదటి పారితోషికాన్ని భారీగా తగ్గించడమే కాకుండా, చివరకు దానిని కూడా వదిలేసినట్లు సమాచారం.

అంతేకాదు, ఫైనాన్సర్లకు గ్యారంటీగా నిలిచి, బయ్యర్లకు కూడా తనవంతు సహాయం చేశారని టాక్. మొత్తంగా చూస్తే ఈ సినిమా ద్వారా పవన్ కళ్యాణ్ ఒక్క రూపాయి కూడా సంపాదించలేదనే మాట వినిపిస్తోంది. ఈ విషయం సోషల్ మీడియాలో వైరల్ కావడంతో అభిమానులు ఆయనను “రియల్ హీరో” అంటూ ప్రశంసిస్తున్నారు. సినిమాను వ్యాపారంగా కాకుండా బాధ్యతగా చూసే వ్యక్తిగా పవన్ కళ్యాణ్ మరోసారి తన ప్రత్యేకతను చాటుకున్నారని అంటున్నారు.