చిరు సాంగ్‌తో వైబ్ క్రియేట్ చేయనున్న 'గాయపడ్డ సింహం'!

ప్రేక్షకులకు వినోదాన్ని పంచే పూర్తి స్థాయి హాస్య చిత్రంగా 'గాయపడ్డ సింహం' వచ్చే నెల 1న ప్రేక్షకుల ముందుకు రానుంది. తరుణ్ భాస్కర్ హీరోగా నటిస్తున్న ఈ చిత్రంపై మంచి ఆసక్తి నెలకొంది. జేడీ చక్రవర్తి కీలక పాత్రలో కనిపించనున్న ఈ సినిమా నవ్వులతో పాటు భావోద్వేగాలను కూడా అందించేలా రూపొందించినట్లు సమాచారం.

ఈ చిత్రంలో ప్రముఖ హీరోల చిత్రాలకు సంబంధించిన సరదా సూచనలు ప్రత్యేక ఆకర్షణగా నిలవనున్నాయి. మహేష్ బాబు, రామ్ చరణ్, ప్రభాస్ చిత్రాల ప్రస్తావనలు వినోదాత్మకంగా వినిపించనున్నట్లు తెలుస్తోంది. అలాగే మెగాస్టార్ చిరంజీవి ప్రసిద్ధ ‘గోలీమార్’ పాటను కొత్త రూపంలో వినిపించనున్నారని సమాచారం. ఈ అంశాలు చిత్రానికి మరింత ఆసక్తిని తెచ్చాయి.