విజయ్ 'గోట్' సినిమాలోని కార్ నంబర్ వైరల్!

2024లో విడుదలైన “GOAT (గ్రేటెస్ట్ ఆఫ్ ఆల్ టైమ్)” సినిమాలో నటుడు విజయ్ నటించిన ఓ సీన్ సోషల్ మీడియాలో వైరల్‌గా మారింది. తమిళనాడులో ఆయన నేతృత్వంలోని తమిళగ వెట్రి కళగం (TVK) రాజకీయ విజయాల నేపథ్యంలో, 2026లో విజయ్ ముఖ్యమంత్రి అవుతారని దర్శకుడు వెంకట్ ప్రభు ముందే సూచించారా? అనే చర్చ నెటిజన్ల మధ్య జరుగుతోంది.

ఈ చర్చకు కారణం నటుడు, సంగీత దర్శకుడు ప్రేమ్‌జీ అమరన్ తన ఎక్స్ ఖాతాలో షేర్ చేసిన వీడియో క్లిప్. అందులో విజయ్ కారులో కూర్చుని ప్రేమ్‌జీతో మాట్లాడుతుండగా, కారు నంబర్ ప్లేట్‌పై “TN 07 CM 2026” అని కనిపించింది. దీనిని “తమిళనాడు ముఖ్యమంత్రి 2026”గా భావిస్తూ నెటిజన్లు వైరల్ చేశారు. ప్రేమ్‌జీ ఈ వీడియోకు దర్శకుడు ముందే సూచించారని క్యాప్షన్ ఇవ్వగా, వెంకట్ ప్రభు నవ్వుతున్న ఎమోజీలతో స్పందించారు.