డల్లాస్ సదస్సులో ట్రంప్ కీలక ప్రకటనలు..

డల్లాస్‌లో జరిగిన ఓ సదస్సులో అమెరికా అధ్యక్షుడు డొనాల్డ్ ట్రంప్ పలు కీలక ప్రకటనలు చేశారు. అమెరికా మధ్యంతర ఎన్నికలు సమీపిస్తున్న నేపథ్యంలో రిపబ్లికన్లు విజయం సాధిస్తే యువతకు 5 వేల డాలర్లు అందించే అంశాన్ని పరిశీలిస్తామని ట్రంప్ తెలిపారు. యువతకు మద్దతు ఇవ్వడంతో పాటు ఆర్థిక వ్యవస్థను బలోపేతం చేయడమే లక్ష్యంగా ఈ ప్రతిపాదనను పేర్కొన్నారు.

అదేవిధంగా, క్రెడిట్ కార్డు ద్వారా చెల్లింపులు చేసినప్పుడు వ్యాపారులపై పడే స్వైపింగ్ ఛార్జీలను తగ్గిస్తామని ట్రంప్ వెల్లడించారు. ప్రస్తుతం అమల్లో ఉన్న తాత్కాలిక పన్ను తగ్గింపులను శాశ్వతం చేస్తామని కూడా ప్రకటించారు. డల్లాస్ సదస్సులో ట్రంప్ చేసిన ఈ ప్రకటనలు రాబోయే మధ్యంతర ఎన్నికల నేపథ్యంలో అమెరికా ఆర్థిక, రాజకీయ అంశాలపై మరింత చర్చకు దారితీసే అవకాశం ఉంది.