
జనరల్

ఉత్తరాఖండ్లో ఘోర రోడ్డు ప్రమాదం చోటుచేసుకుంది. తెహ్రీ గర్వాల్ జిల్లాలో ప్రయాణికులతో వెళ్తున్న ఓ బస్సు వంతెనపై నుంచి అదుపుతప్పి లోతైన లోయలో పడిపోయింది. సుమారు 100 మీటర్ల లోతులోకి బస్సు పడిపోవడంతో ఈ ప్రమాదం తీవ్ర విషాదాన్ని నింపింది. ఈ ఘటనలో ఇప్పటివరకు ఆరుగురు ప్రాణాలు కోల్పోయినట్లు సమాచారం. బస్సులో సుమారు 30 నుంచి 35 మంది ప్రయాణికులు ఉన్నట్లు అధికారులు అంచనా వేస్తున్నారు.
ప్రమాద సమాచారం అందుకున్న వెంటనే సహాయక, రెస్క్యూ బృందాలు ఘటనా స్థలానికి చేరుకుని సహాయక చర్యలు ప్రారంభించాయి. ఇప్పటివరకు 20 మంది క్షతగాత్రులను బస్సు నుంచి బయటకు తీసినట్లు సమాచారం. గాయపడిన వారిని అంబులెన్స్ల ద్వారా సమీప ఆస్పత్రులకు తరలించి చికిత్స అందిస్తున్నారు. మిగిలిన ప్రయాణికుల కోసం సహాయక చర్యలు కొనసాగుతున్నాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!