జంతర్ మంతర్ వద్ద తీవ్ర ఉద్రిక్తత...విరుచుకుపడ్డ నిరసనకారులు

న్యూఢిల్లీ జంతర్ మంతర్ వద్ద కొనసాగుతున్న ఆందోళనల సందర్భంగా తీవ్ర ఉద్రిక్త పరిస్థితులు నెలకొన్నాయి. నిరసనకారులు పోలీసులపై రాళ్లదాడికి దిగినట్లు అధికారులు తెలిపారు. ఈ ఘటనలో ఇద్దరు పోలీసులు తీవ్రంగా గాయపడగా, వారిని చికిత్స నిమిత్తం ఆస్పత్రికి తరలించారు.

పరిస్థితిని అదుపులోకి తీసుకురావడానికి పోలీసులు భాష్పవాయు గోళాలు ప్రయోగించి, లాఠీఛార్జ్ నిర్వహించారు. అనంతరం అదనపు పోలీసు బలగాలను మోహరించారు. ప్రస్తుతం పరిస్థితి అదుపులోనే ఉందని అధికారులు వెల్లడించారు.