డొనాల్డ్ ట్రంప్‌కు తాత్కాలిక ఊరట.. టారిఫ్‌లపై స్టే పొడిగింపు

అమెరికా విధించిన 10 శాతం గ్లోబల్ టారిఫ్‌లపై కొనసాగుతున్న న్యాయపోరులో డొనాల్డ్ ట్రంప్‌కు తాత్కాలిక ఊరట లభించింది. ఈ సుంకాలను నిలిపివేయాలని దిగువ కోర్టు ఇచ్చిన తీర్పుపై ఇప్పటికే అమలులో ఉన్న స్టేను అమెరికా ఫెడరల్ అప్పీళ్ల కోర్టు తాజాగా పొడిగించింది. దీంతో టారిఫ్‌లు ప్రస్తుతానికి అమల్లో కొనసాగనున్నాయి.

కేసుపై తుది విచారణ పూర్తయ్యే వరకు ఈ వాణిజ్య సుంకాలు అమల్లోనే ఉంటాయని కోర్టు నిర్ణయం స్పష్టం చేసింది. అంతర్జాతీయ వాణిజ్యం, ప్రపంచ మార్కెట్లపై ప్రభావం చూపే ఈ వ్యవహారం ప్రపంచవ్యాప్తంగా ఆసక్తిని రేకెత్తిస్తోంది. తుది తీర్పు వెలువడే వరకు ఈ కేసు విచారణ కొనసాగనుంది.