తెలంగాణ కాబినెట్ కీలక నిర్ణయాలు!

తెలంగాణ రాష్ట్ర మంత్రివర్గం కీలక నిర్ణయాలు తీసుకుంది. విద్యుత్ కొనుగోళ్లు, భద్రాద్రి-యాదాద్రి థర్మల్ ప్రాజెక్టుల్లో జరిగిన అక్రమాలపై సీబీఐ విచారణకు ఆమోదం తెలిపింది. జస్టిస్ లోకూర్ కమిషన్ నివేదిక, న్యాయ నిపుణుల సూచనల మేరకు ఈ నిర్ణయం తీసుకున్నారు. రాష్ట్రంలో భూముల ధరలను మార్కెట్ విలువలకు అనుగుణంగా సవరించేందుకు కూడా అనుమతి ఇచ్చారు.

అదే విధంగా సోలార్ పవర్ ప్రాజెక్టులు, మున్సిపల్ బకాయిలపై వన్ టైమ్ సెటిల్‌మెంట్, రైతులకు సహాయం, నల్గొండ-రంగారెడ్డి పాల ఉత్పత్తిదారుల సంఘాన్ని ఎన్డీడీబీ కు అప్పగించడం వంటి నిర్ణయాలు తీసుకున్నారు. ఐటీఐలు, పాలిటెక్నిక్స్‌ను ఒకే స్కిల్ యూనివర్సిటీ కిందకి తీసుకురావడం, ఆధునిక కూరగాయల మార్కెట్ ఏర్పాటు వంటి అభివృద్ధి చర్యలకు కూడా గ్రీన్ సిగ్నల్ ఇచ్చారు.