కావేరీ జలాల అంశంలో సుప్రీంకోర్టు తీర్పు

కావేరీ జలాల అంశంలో సుప్రీంకోర్టు కీలక తీర్పు వెలువరించింది. కర్ణాటకకు అదనంగా 70 టీఎంసీల నీటిని కేటాయించాలని కోరుతూ దాఖలైన రిట్ పిటిషన్‌ను న్యాయస్థానం కొట్టివేసింది. కావేరీ జలాల పంపిణీకి సంబంధించి కర్ణాటక, తమిళనాడు మధ్య వివాదం కొనసాగుతున్న నేపథ్యంలో ఈ పరిణామం చోటుచేసుకుంది.

ప్రైవేట్ వ్యక్తులు దాఖలు చేసిన పిటిషన్లు ఈ అంశంలో చెల్లుబాటు కావని సుప్రీంకోర్టు స్పష్టం చేసినట్లు సమాచారం. కాగా, కావేరీ జలాల విడుదలకు సంబంధించి కర్ణాటక, తమిళనాడు మధ్య వివాదం ఇటీవల మరోసారి తెరపైకి వచ్చింది. కావేరీ జలాల నిర్వహణ సంస్థ ఆదేశాలపై కర్ణాటక సుప్రీంకోర్టును ఆశ్రయించిన విషయం తెలిసిందే.