ట్రంప్ విధానాలను ప్రశంసించిన స్టీఫెన్ మిల్లర్...

2025లో అమెరికాలో హింసాత్మక నేరాలు గణనీయంగా తగ్గినట్లు ఎఫ్‌బీఐ తాజా గణాంకాలు వెల్లడించడంతో వైట్ హౌస్ డిప్యూటీ చీఫ్ ఆఫ్ స్టాఫ్ ఫర్ పాలసీ స్టీఫెన్ మిల్లర్ అధ్యక్షుడు డొనాల్డ్ ట్రంప్‌ను ప్రశంసించారు. గణాంకాల ప్రకారం హత్యల కేసులు 18.1 శాతం తగ్గగా, మొత్తం హింసాత్మక నేరాలు 9.3 శాతం తగ్గాయి.

తాజా గణాంకాలపై స్పందించిన మిల్లర్.. నేరాల తగ్గుదలకు ట్రంప్ ప్రభుత్వం అమలు చేసిన విధానాలే కారణమని పేర్కొన్నారు. అమెరికా చరిత్రలో హింసాత్మక నేరాల తగ్గుదలలో ఇది అతిపెద్ద విజయాల్లో ఒకటని ఆయన అభివర్ణించారు. ఈ మేరకు ఎక్స్‌లో తన అభిప్రాయాలను పంచుకున్నారు. తాజా గణాంకాలు అమెరికాలో ప్రజా భద్రతపై కొనసాగుతున్న రాజకీయ చర్చకు మరింత ప్రాధాన్యం తెచ్చాయి. నేరాల తగ్గుదల ట్రంప్ ప్రభుత్వ విధానాలు ఫలితాలను ఇస్తున్నాయనడానికి నిదర్శనమని ఆయన మద్దతుదారులు పేర్కొంటున్నారు.