కాచిగూడ–విశాఖ ప్రత్యేక రైలు సర్వీస్

వేసవి సీజన్‌లో పెరుగుతున్న రద్దీని దృష్టిలో ఉంచుకొని దక్షిణ మధ్య రైల్వే ప్రత్యేక వనవే రైలు సేవలను ప్రకటించింది. కాచిగూడ నుంచి విశాఖపట్నం మధ్య ప్రత్యేక రైలు నడపనున్నట్లు సీపీఆర్ఓ శ్రీధర్ తెలిపారు. 07810 నంబర్ గల ఈ రైలు ఈ రోజు రాత్రి 8.45 గంటలకు కాచిగూడ నుంచి బయలుదేరనుంది.

ఈ రైలు మల్కాజిగిరి, చర్లపల్లి, ఖాజీపేట్, వరంగల్, రాయనపాడు, ఏలూరు, రాజమండ్రి, సామర్లకోట స్టేషన్లలో ఆగుతుందని అధికారులు తెలిపారు. ప్రయాణికుల రద్దీని తగ్గించేందుకు ఈ ప్రత్యేక సర్వీసును ఏర్పాటు చేసినట్లు రైల్వే శాఖ పేర్కొంది.