వరుసగా రైళ్లలో అగ్నిప్రమాదాలు

బీహార్‌లోని ససారం రైల్వే స్టేషన్‌లో పాట్నాకు వెళ్తున్న ప్యాసింజర్ రైలు బోగీలో అగ్నిప్రమాదం చోటుచేసుకుంది. రైలు బయలుదేరే కొద్ది నిమిషాల ముందు మంటలు చెలరేగడంతో ప్రయాణికుల్లో భయాందోళనలు నెలకొన్నాయి. షార్ట్ సర్క్యూట్ కారణంగానే ఈ ప్రమాదం జరిగి ఉండొచ్చని అధికారులు అనుమానిస్తున్నారు.

అదృష్టవశాత్తూ ఈ ఘటనలో ఎలాంటి ప్రాణనష్టం జరగలేదు. అధికారులు వెంటనే స్పందించి మంటలను అదుపులోకి తెచ్చారు. ఒక రోజు ముందే మధ్యప్రదేశ్‌లో రాజధాని ఎక్స్‌ప్రెస్‌లో కూడా ఇలాంటి అగ్నిప్రమాదం చోటుచేసుకోవడం రైల్వే భద్రతపై ఆందోళనలను పెంచుతోంది.