సికింద్రాబాద్ - తిరుపతి వందే భారత్ కు ఆరెంజ్ కలర్

సికింద్రాబాద్-తిరుపతి వందే భారత్‌ ట్రైన్ ఇప్పుడు ప్రత్యేకంగా ఆరెంజ్‌ కలర్‌లో రాకపోకలు సాగిస్తోంది. ఈ రైలును 2023 ఏప్రిల్‌ 9 న ప్రారంభించారు. ప్రారంభంలో 8 బోగీలతో నడిచిన ఈ రైలు, ప్రయాణికుల అధిక ఆదరణ కారణంగా 16 బోగీలకు విస్తరించబడింది. తరువాత డిమాండ్ మరింత పెరగడంతో 20 బోగీలుగా మార్చారు.

ఇప్పటి కొత్త ఆరెంజ్‌ రంగులోని 20 బోగీల రైలు 1,440 సీట్ల సామర్థ్యం కలిగి ఉంది. తిరుపతి రూట్‌లో రాకపోకలు చేసే అతిపెద్ద రైళ్లలో ఇది ఒకటిగా నిలుస్తుంది. మొత్తం 102 వందే భారత్ రైళ్లలో, ఈ రైలు మాత్రమే ప్రత్యేకంగా ఆరెంజ్‌ రంగులో నడుస్తోంది, గతంలో ఇది తెలుపు రంగులో ఉండేది.