బెంగాల్‌లో ఆర్‌ఎస్‌ఎస్‌ భారీ విస్తరణ..

పశ్చిమ బెంగాల్‌లో రాష్ట్రీయ స్వయంసేవక్‌ సంఘ్‌ (ఆర్‌ఎస్‌ఎస్‌) సంస్థాగత విస్తరణకు ప్రత్యేక కార్యాచరణ చేపట్టింది. 2026 అక్టోబర్‌ 10న మహాలయ నాటికి రాష్ట్రంలో శాఖల సంఖ్యను 10 వేలకు పెంచాలని లక్ష్యంగా పెట్టుకుంది. ఆర్‌ఎస్‌ఎస్‌ ప్రతినిధుల ప్రకారం.. ఈ ఏడాది మే నాటికి బెంగాల్‌లో సుమారు 5 వేల శాఖలు ఉండగా, ఆ తర్వాత వాటి సంఖ్య పెరిగింది. విస్తరణలో భాగంగా అక్టోబర్‌ 1 నుంచి 10 వరకు రాష్ట్రవ్యాప్తంగా ప్రత్యేక అవుట్‌రీచ్‌ కార్యక్రమాలు నిర్వహించనున్నట్లు సంస్థ వెల్లడించింది.

ఈ కార్యక్రమంలో యువతపై, ముఖ్యంగా Gen Zపై ప్రత్యేక దృష్టి పెట్టినట్లు సమాచారం. రాష్ట్రంలోని వివిధ ప్రాంతాల్లో యువజన సదస్సులు, అవుట్‌రీచ్‌ కార్యక్రమాలు నిర్వహించి యువతను సంస్థ కార్యకలాపాలకు అనుసంధానించాలని ఆర్‌ఎస్‌ఎస్‌ భావిస్తోంది. గ్రామాలు, పట్టణాల్లో సంస్థాగత నెట్‌వర్క్‌ను మరింత బలోపేతం చేయడం ఈ కార్యక్రమం లక్ష్యంగా పేర్కొంటున్నారు. బెంగాల్‌లో ఆర్‌ఎస్‌ఎస్‌ కార్యకలాపాల విస్తరణ రాజకీయ, సామాజిక చర్చకు దారితీస్తుండగా.. సంస్థ మాత్రం దీనిని ప్రధానంగా తన సంస్థాగత విస్తరణ, ప్రజలతో అనుసంధాన కార్యక్రమంగా వివరిస్తోంది.