విద్యుత్ ఖర్చు తగ్గించే ప్రత్యేక నానో పెయింట్!

భూతాపం పెరుగుతున్న పరిస్థితుల్లో, నీటి కొరత కూడా తీవ్రంగా మారుతున్న వేళ ఆస్ట్రేలియా శాస్త్రవేత్తలు వినూత్న పెయింట్‌ను అభివృద్ధి చేశారు. ఈ ప్రత్యేక పూత భవనాలను చల్లబరచడమే కాకుండా గాల్లోని తేమ నుంచి నీటిని సేకరించే సామర్థ్యాన్ని కలిగి ఉంది. డ్యూపాయింట్ ఇన్నోవేషన్స్ అనే స్టార్టప్ ద్వారా ఈ సాంకేతికతను మరింత అభివృద్ధి చేస్తున్నారు.

పీవీడీఎఫ్-హెచ్‌ఎఫ్‌పీ ఆధారిత నానో పదార్థాలతో రూపొందించిన ఈ పెయింట్ ‘ప్యాసివ్ రేడియేటివ్ కూలింగ్’ సూత్రంపై పనిచేస్తుంది. ఇది 96 శాతం వరకు సౌరశక్తిని పరావర్తనం చేసి, పైకప్పును పరిసర గాలికంటే 6 డిగ్రీల సెల్సియస్ వరకు చల్లగా ఉంచుతుంది. అలాగే గాల్లోని తేమను కండెన్స్ చేసి నీటిని సేకరిస్తుంది. ప్రాథమిక ప్రయోగాల్లో 200 చదరపు మీటర్ల పైకప్పు నుంచి రోజుకు 74 లీటర్ల నీటిని శాస్త్రవేత్తలు సేకరించారు.