బీజేపీ నూతన జాతీయ ఉపాధ్యక్షులకు శుభాకాంక్షలు తెలిపిన పవన్ కళ్యాణ్

బీజేపీ జాతీయ ఉపాధ్యక్షులుగా నియమితులైన రాజమహేంద్రవరం ఎంపీ దగ్గుబాటి పురంధేశ్వరి, రాం మాధవ్‌లకు ఏపీ ఉపముఖ్యమంత్రి పవన్ కళ్యాణ్ హృదయపూర్వక శుభాకాంక్షలు తెలిపారు. జాతీయ స్థాయిలో బీజేపీకి సంబంధించిన అన్ని విభాగాలకు సంయుక్త సమన్వయకర్తగా ఎంపికైన విష్ణువర్ధన్ రెడ్డికి కూడా ఆయన అభినందనలు తెలియజేశారు. రాజకీయంగా ఉన్న సుదీర్ఘ అనుభవంతో తమకు అప్పగించిన బాధ్యతలను సమర్థవంతంగా నిర్వహిస్తారని విశ్వాసం వ్యక్తం చేశారు.

బీజేపీ నూతన జాతీయ కార్యవర్గానికి ఎంపికైన ప్రతి ఒక్కరికీ పవన్ కళ్యాణ్ శుభాకాంక్షలు తెలిపారు. ప్రధానమంత్రి నరేంద్ర మోదీ మార్గదర్శకత్వంలో, పార్టీ జాతీయ అధ్యక్షుడు నితిన్ నబిన్ నాయకత్వంలో దేశాభివృద్ధి, ప్రజాసేవ లక్ష్యాలను విజయవంతంగా ముందుకు తీసుకెళ్లాలని ఆకాంక్షించారు.