ఎప్పటిలాగే దీక్ష చేపట్టిన పవన్ కళ్యాణ్

రాష్ట్ర ఉప ముఖ్యమంత్రి, జనసేన అధ్యక్షుడు పవన్ కళ్యాణ్ మంగళగిరిలోని శ్రీ పానకాల స్వామిని దర్శించుకుని ప్రత్యేక అర్చనలు నిర్వహించిన అనంతరం తన వార్షిక దీక్షను ప్రారంభించారు. ప్రతి ఏడాది జ్యేష్ఠ మాసంలో ఈ దీక్షను ప్రారంభించి, కార్తీక మాసంలో విరమించడం ఆయన ఆనవాయితీగా కొనసాగిస్తున్నారు.

గురుముఖంగా స్వీకరించిన మంత్రోపదేశాన్ని ఆచరణలో పెట్టేందుకు పవన్ కళ్యాణ్ ఈ దీక్షను క్రమం తప్పకుండా నిర్వహిస్తున్నారు. దీక్ష కాలంలో సాత్విక ఆహారం మాత్రమే తీసుకుంటూ, నియమిత జీవనశైలిని పాటిస్తారు. చందన వర్ణ వస్త్రాలు ధరించడం, నిత్య పూజలు, ధ్యానం, మంత్ర పారాయణం, దేవతారాధన వంటి ఆధ్యాత్మిక కార్యక్రమాలను నిర్వహిస్తుంటారు.