ఢిల్లీలో భారీ శాంతియుత యువజన మార్చ్..

యువతకు జులై 25న కేంద్ర ప్రభుత్వం ఇచ్చిన హామీలను అమలు చేయాలని డిమాండ్ చేస్తూ సెప్టెంబర్ 5న న్యూఢిల్లీలో భారీ శాంతియుత యువజన మార్చ్ నిర్వహించనున్నట్లు Cockroach Janata Party (CJP) జాతీయ వర్కింగ్ కమిటీ ప్రకటించింది. ఇండియా గేట్ నుంచి ఢిల్లీ పోలీస్ ప్రధాన కార్యాలయం వరకు ఈ మార్చ్ కొనసాగనుంది. మృతిచెందిన NEET బాధితుల కుటుంబాలు, పోలీసుల దౌర్జన్యానికి గురైనట్లు ఆరోపిస్తున్న బాధితులు ఈ నిరసనకు నాయకత్వం వహించనున్నట్లు పార్టీ తెలిపింది.

జులై 25న ప్రభుత్వం హామీలు ఇవ్వడంతో దేశవ్యాప్తంగా కొనసాగుతున్న యువజన ఉద్యమాన్ని విరమించామని, అయితే ఆ హామీల అమలులో జాప్యం జరుగుతోందని CJP ఆరోపించింది. ఆగస్టు 18న దేశవ్యాప్తంగా నమోదైన FIRల జాబితాను సమర్పించాలని సుప్రీంకోర్టు కేంద్రాన్ని కోరిందని, అయితే ఈ అంశంపై ప్రభుత్వం స్పష్టమైన హామీ ఇవ్వలేదని పార్టీ పేర్కొంది. అలాగే గతంలో ఇచ్చిన హామీలపై ప్రభుత్వం నుంచి లిఖితపూర్వక హామీ ఇంకా అందలేదని తెలిపింది. Gen-Z యువత, విద్యార్థులు, యువజన మరియు విద్యార్థి సంఘాలు సెప్టెంబర్ 5న పెద్ద సంఖ్యలో ఇండియా గేట్ వద్దకు చేరుకుని శాంతియుత మార్చ్‌లో పాల్గొనాలని CJP పిలుపునిచ్చింది.