ఈ నెల ఏపీ స్థానిక ఎన్నికలకు నోటిఫికేషన్

ఆంధ్రప్రదేశ్‌లో స్థానిక సంస్థల ఎన్నికలకు ఈ నెల 14 లేదా 15వ తేదీన నోటిఫికేషన్ విడుదలయ్యే అవకాశం ఉంది. ఎన్నికల ప్రక్రియపై చర్చించేందుకు రాష్ట్ర ఎన్నికల సంఘం (ఎస్ఈసీ) ఈ నెల 13న రాజకీయ పార్టీల ప్రతినిధులతో సమావేశం నిర్వహించనుంది.

స్థానిక సంస్థల ఎన్నికలను మూడు దశల్లో నిర్వహించి, నవంబర్ 30లోపు మొత్తం ప్రక్రియను పూర్తి చేయాలని నిర్ణయించినట్లు సమాచారం. ఎస్ఈసీ సమావేశం అనంతరం ఎన్నికల షెడ్యూల్, ఇతర ఏర్పాట్లపై మరిన్ని వివరాలు వెల్లడయ్యే అవకాశం ఉంది.