23 ఏళ్ల తర్వాత ఇరాక్‌లో సార్వభౌమత్వ వేడుకలు..

అమెరికా బలగాలు ఇరాక్ నుంచి పూర్తిగా వైదొలగడంతో ఆ దేశం బుధవారం ‘జాతీయ సార్వభౌమ దినోత్సవాన్ని’ నిర్వహించింది. ఐసిస్‌పై పోరులో భాగంగా 2014లో ప్రారంభమైన అమెరికా నేతృత్వంలోని సంకీర్ణ దళాల సైనిక మిషన్‌ ఇరాక్‌లో ముగిసింది. ఈ సందర్భంగా బాగ్దాద్, నజఫ్ నగరాల్లో ఇరాక్ భద్రతా దళాలు కవాతులు నిర్వహించాయి.

2003లో సద్దాం హుస్సేన్ ప్రభుత్వాన్ని కూల్చేందుకు అమెరికా బలగాలు ఇరాక్‌లోకి ప్రవేశించాయి. 2011లో అవి ఉపసంహరించుకున్నప్పటికీ, ఐసిస్‌ విస్తరణ నేపథ్యంలో 2014లో మళ్లీ ఇరాక్‌లోకి వచ్చాయి. తాజా ఉపసంహరణతో దేశ భద్రత, సుస్థిరతపై ప్రధాన బాధ్యత ఇక ఇరాక్ ప్రభుత్వానిదేనని అధికారులు తెలిపారు. అయితే అమెరికా శిక్షణ, నిఘా సహాయాన్ని కొనసాగించనుంది.