న్యూ ఇయర్ వేడుకలపై హైదరాబాద్ పోలీస్ కఠిన ఆంక్షలు!

హైదరాబాద్‌లో న్యూ ఇయర్ వేడుకల కోసం పోలీస్ విభాగం కఠిన మార్గదర్శకాలు జారీ చేసింది. 3-స్టార్ మరియు అంతకంటే పై స్థాయి హోటళ్లు, పబ్‌లు, క్లబ్బులు టికెట్ ఈవెంట్స్ నిర్వహిస్తే 15 రోజుల ముందే పోలీస్ అనుమతి తప్పనిసరి. ఈవెంట్లు రాత్రి 1:00 గంటల వరకు మాత్రమే జరగాలి. ఎంట్రీ–ఎగ్జిట్ పాయింట్లు, పార్కింగ్ ప్రాంతాల్లో CCTV కెమెరాలు తప్పనిసరి, ట్రాఫిక్ నియంత్రణ మరియు భద్రతకు తగినంత సెక్యూరిటీ గార్డులు ఉండాలి. డాన్స్, దుస్తులు, మాటల్లో సౌజన్యం తప్పనిసరి. అవుట్‌డోర్ సౌండ్ సిస్టమ్ రాత్రి 10 గంటలకే నిలిపివేయాలి. ఇండోర్ హాల్స్‌లో మాత్రమే 1:00 AM వరకు సౌండ్ అనుమతించబడుతుంది, 45 డెసిబెల్స్ మించకూడదు. ఆయుధాలు పూర్తిగా నిషేధం, సామర్థ్యానికి మించి టికెట్లు అమ్మకూడదు. ప్రత్యేక పార్కింగ్ ఏర్పాట్లు ట్రాఫిక్‌కు అంతరాయం రాకుండా ఉండాలి. పబ్‌లు, బార్లలో మైనర్ల ప్రవేశం నిషేధం. డ్రగ్స్, నార్కోటిక్స్‌పై జీరో టాలరెన్స్, బాధ్యత యాజమాన్యంపై ఉంది. ఎక్సైజ్ సమయం మించిపోయిన తర్వాత మద్యం విక్రయానికి అనుమతి లేదు. మద్యం సేవించిన వారికి క్యాబ్ లేదా డ్రైవర్ ఏర్పాటు యాజమాన్య బాధ్యత. బాణసంచా వినియోగం పూర్తిగా నిషేధం, ఫైర్ సేఫ్టీ నిబంధనలు తప్పనిసరి. ఏ ప్రమాదం అయినా పూర్తి బాధ్యత యాజమాన్యానిదే.

అదనంగా, మద్యం మత్తులో వాహనం నడిపితే కఠిన శిక్షలు విధించబడతాయి. అనుమతించిన ఆల్కహాల్ పరిమితి 30 mg/100 ml. ఉల్లంఘనలపై రూ.10,000 జరిమానా లేదా 6 నెలల జైలు, డ్రైవింగ్ లైసెన్స్ 3 నెలల సస్పెన్షన్ లేదా రద్దు. మైనర్లు వాహనం నడిపితే యజమాని బాధ్యుడు. సైలెన్సర్లు తొలగించడం, ఓవర్ స్పీడ్, రేసింగ్‌పై కఠిన చర్యలు ఉంటాయి. SHE టీమ్స్ మహిళల భద్రతకు అప్రమత్తంగా ఉంటాయి. “డిజిగ్నేటెడ్ డ్రైవర్” విధానాన్ని ప్రోత్సహించి, ఒకరు మద్యం తాగకుండా ఉండి అందరిని సురక్షితంగా ఇంటికి చేరుస్తారు.