అవసరమైతే శారీరక శ్రమ చేసి అయినా కుటుంబాన్ని పోషించాలి - కోర్టు

ఢిల్లీ హైకోర్టు కీలక వ్యాఖ్యలు చేస్తూ, భర్తకు స్థిరమైన ఆదాయం లేదని లేదా భార్య చదువుకున్నదనే కారణంతో భార్యా పిల్లలకు భరణం ఇవ్వకుండా తప్పించుకునే హక్కు లేదని స్పష్టం చేసింది. న్యాయమూర్తి సౌరభ్ బెనర్జీ కుటుంబ న్యాయస్థానం ఇచ్చిన భరణం ఆదేశాలను సవాలు చేసిన పిటిషన్‌ను కొట్టివేస్తూ ఈ వ్యాఖ్యలు చేశారు.

శారీరకంగా పని చేయగలిగే భర్త తన కుటుంబాన్ని పోషించడం పవిత్ర బాధ్యత అని కోర్టు పేర్కొంది. అవసరమైతే శారీరక శ్రమ ద్వారా అయినా సంపాదించి కుటుంబాన్ని పోషించాల్సిందేనని తెలిపింది. భార్య, ఇద్దరు కుమార్తెలకు నెలకు ₹11,000 చొప్పున చెల్లించాలని ఫ్యామిలీ కోర్టు ఇచ్చిన ఆదేశాలను హైకోర్టు సమర్థించింది.