కో-లివింగ్ హాస్టళ్లపై హనుమంతరావు కీలక వ్యాఖ్యలు

ప్రభుత్వ సలహాదారు వి. హనుమంతరావు యువతీ యువకులు కలిసి నివసించే కో-లివింగ్ హాస్టళ్ల సంస్కృతిపై ఆందోళన వ్యక్తం చేశారు. ఈ వసతిగృహాల నిర్వహణ, అక్కడి పరిస్థితులు, యువతపై వాటి ప్రభావాన్ని పరిశీలించేందుకు ప్రభుత్వం తక్షణమే ఉన్నత స్థాయి కమిటీని ఏర్పాటు చేయాలని ఆయన డిమాండ్ చేశారు.

కో-లివింగ్ హాస్టళ్లల్లో వాస్తవ పరిస్థితులు ఏమిటో సమగ్రంగా అధ్యయనం చేసిన తర్వాతే వాటిని రద్దు చేయాలా లేదా కఠిన నిబంధనలు అమలు చేయాలా అనే అంశంపై నిర్ణయం తీసుకోవాలని ఆయన అభిప్రాయపడ్డారు. అవాంఛనీయ సంఘటనలు జరిగినప్పుడు మాత్రమే చర్చలు జరగకుండా, పూర్తి స్థాయి విచారణ జరిపి నివేదిక ఆధారంగా ప్రభుత్వం తగిన చర్యలు తీసుకోవాలని సూచించారు.