పిల్లలే షాపింగ్ గురువులు.. అమ్మానాన్నలకు కొనుగోలు పాఠాలు చెబుతున్న జెన్ ఆల్ఫా!

డిజిటల్ యుగంలో పెరుగుతున్న జెన్ ఆల్ఫా పిల్లలు ఇప్పుడు కుటుంబాల కొనుగోలు నిర్ణయాల్లో కీలక పాత్ర పోషిస్తున్నారు. ఏ వస్తువు ఎక్కడ తక్కువ ధరకు లభిస్తుందో, ఏ ఆఫర్ మంచిదో, ఏ బ్రాండ్‌కు ఎక్కువ విలువ ఉందో తల్లిదండ్రులకు సూచిస్తున్నారని పీడబ్ల్యూసీ (PwC) జెన్ ఆల్ఫా 2026 నివేదిక వెల్లడించింది. సాంకేతిక పరిజ్ఞానంపై ఉన్న అవగాహనతో పిల్లలు కుటుంబాల కొనుగోలు విధానాలను ప్రభావితం చేస్తున్నారని నివేదిక పేర్కొంది.

నివేదిక ప్రకారం, ఆన్‌లైన్ ఫుడ్ ఆర్డర్లలో 72 శాతం, బొమ్మల కొనుగోళ్లలో 57 శాతం వరకు జెన్ ఆల్ఫా పిల్లల ప్రభావం కనిపిస్తోంది. అంతేకాకుండా ఈ తరం పిల్లలు రోజుకు సగటున 3.6 గంటలు స్మార్ట్‌ఫోన్‌లతో గడుపుతున్నారు. డిజిటల్ ప్లాట్‌ఫామ్‌లు, ఈ-కామర్స్ యాప్‌లు, సోషల్ మీడియా ద్వారా సమాచారం సేకరించి కుటుంబాల నిర్ణయాలను ప్రభావితం చేస్తున్నారని అధ్యయనం వెల్లడించింది.