నెస్లే ఇండియాపై FSSAI చర్యలు..

ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (FSSAI) నెస్లే ఇండియాపై చట్టపరమైన చర్యలు ప్రారంభించింది. మూడు శిశు ఆహార ఉత్పత్తులకు సంబంధించిన నిబంధనల ఉల్లంఘనలపై ఈ చర్యలు చేపట్టింది. నెస్లేకు చెందిన NAN Excella Pro Stage 1, Lactogen Pro 1, మరో ఫాలోఅప్‌ ఫార్ములా ఉత్పత్తులను, వాటికి సంబంధించిన ఈ-కామర్స్‌ ప్రమోషనల్‌ మెటీరియల్‌ను FSSAI పరిశీలించింది. NAN Excella Pro Stage 1లో ‘5 HMOs’, ‘Whey Protein’కు సంబంధించిన క్లెయిమ్‌లను, Lactogen Pro 1లో వీ ప్రోటీన్‌ సులభంగా జీర్ణమవుతుందనే ప్రచారాన్ని రెగ్యులేటర్‌ తప్పుబట్టింది.

మరోవైపు, నెస్లే ఇండియా తయారు చేసిన ఫాలోఅప్‌ ఫార్ములా నమూనాలో బయోటిన్‌ స్థాయి నిర్దేశిత ప్రమాణాలకు తగ్గట్టుగా లేదని ల్యాబొరేటరీ పరీక్షల్లో తేలింది. రిఫరల్‌ ల్యాబొరేటరీ పరీక్షలోనూ ఇదే విషయం నిర్ధారణ అయింది. ఈ అంశాలతో పాటు కంపెనీ నుంచి వివరణ తీసుకున్న అనంతరం FSSAI మూడు వేర్వేరు అడ్జుడికేషన్‌ కేసులు నమోదు చేసింది. ఈ పరిణామాల నేపథ్యంలో నెస్లే ఇండియా షేర్లు శుక్రవారం దాదాపు 2 శాతం తగ్గి రూ.1,345.45 వద్ద ట్రేడయ్యాయి.