ఆర్చరీ ప్రపంచ కప్‌లో భారత్‌కు గర్వకారణం.. ధీరజ్‌కు ప్రశంసలు

ఆంధ్రప్రదేశ్ గవర్నర్ ఎస్. అబ్దుల్ నజీర్, టర్కీలోని ఆంటాల్యాలో జరిగిన 2026 ఆర్చరీ వరల్డ్ కప్‌లో అద్భుత ప్రదర్శన చేసిన భారత ఆర్చర్ ధీరజ్ బొమ్మదేవరాకు అభినందనలు తెలిపారు. ఈ టోర్నమెంట్‌లో ధీరజ్ తన కెరీర్‌లో తొలి వ్యక్తిగత గోల్డ్ మెడల్ సాధించి చరిత్ర సృష్టించారు.

అలాగే రీకర్వ్ మిక్స్‌డ్ టీమ్ ఈవెంట్‌లో మరో బంగారు పతకం సాధించిన ధీరజ్ మరియు అతని జట్టును గవర్నర్ ప్రశంసించారు. ఈ విజయాలు ఆంధ్రప్రదేశ్‌తో పాటు దేశానికి గర్వకారణమని పేర్కొని, భవిష్యత్తులో మరిన్ని విజయాలు సాధించాలని ఆకాంక్షించారు.