ఏపీలో ఓటర్ల మ్యాపింగ్ ప్రక్రియ వేగవంతం

ఆంధ్రప్రదేశ్‌లో ఓటర్ల మ్యాపింగ్ ప్రక్రియ వేగంగా కొనసాగుతోంది. రాష్ట్రవ్యాప్తంగా మొత్తం 4.16 కోట్ల ఓటర్లలో ఇప్పటికే 3.17 కోట్ల ఓట్ల మ్యాపింగ్ పూర్తికావడంతో మ్యాపింగ్ శాతం 76.36కు చేరుకుంది. ఇంటింటి సర్వే ప్రారంభం నాటికి ఈ పురోగతి నమోదైంది. ప్రస్తుతం మ్యాపింగ్ కాని 98.39 లక్షల ఓట్లు ఎన్నికల నిర్వహణలో కీలకంగా మారాయి.

జిల్లాల వారీగా పరిశీలిస్తే 89.38 శాతం మ్యాపింగ్‌తో అనకాపల్లి జిల్లా రాష్ట్రంలో తొలి స్థానంలో నిలిచింది. మరోవైపు 66.55 శాతం మ్యాపింగ్‌తో నెల్లూరు జిల్లా చివరి స్థానంలో నిలిచింది. రాష్ట్ర సగటు కంటే తక్కువ మ్యాపింగ్ నమోదైన అసెంబ్లీ నియోజకవర్గాలు 86 ఉన్నాయి. 94.58 శాతం మ్యాపింగ్‌తో మాడుగుల నియోజకవర్గం రాష్ట్రవ్యాప్తంగా అగ్రస్థానాన్ని దక్కించుకుంది.