పంజాబ్‌లో రాహుల్ గాంధీ ఎన్నికల ప్రచారం షురూ..

కాంగ్రెస్ అగ్రనేత రాహుల్ గాంధీ పంజాబ్‌లో ఎన్నికల ప్రచారాన్ని ప్రారంభించారు. ఈ సందర్భంగా రాష్ట్రంలో డ్రగ్స్ సమస్యపై తీవ్ర ఆందోళన వ్యక్తం చేశారు. స్థానికంగా 'చిట్టా'గా పిలిచే మాదకద్రవ్యాల సమస్య పంజాబ్‌లో అతిపెద్ద సవాలుగా మారిందని పేర్కొన్నారు. ముఖ్యంగా యువతను ఈ సమస్య నుంచి కాపాడేందుకు సమర్థవంతమైన చర్యలు తీసుకోవాల్సిన అవసరం ఉందని అభిప్రాయపడ్డారు.

ప్రస్తుత ఆమ్ ఆద్మీ పార్టీ ప్రభుత్వం పంజాబ్ నుంచి కాకుండా ఢిల్లీ నుంచి నడుస్తోందని రాహుల్ గాంధీ విమర్శించారు. రాష్ట్ర ప్రజల ప్రయోజనాల కోసం పనిచేసే ప్రభుత్వం పంజాబ్‌కు అవసరమని అన్నారు. గతంలో బీజేపీ, అకాలీదళ్ పార్టీలు రాష్ట్రంలోని డ్రగ్స్ సమస్య తీవ్రతను తక్కువ చేసి చూపాయని ఆరోపించారు. ఎన్నికల ప్రచారంలో భాగంగా అధికార పార్టీపై, గత ప్రభుత్వాలపై ఆయన చేసిన విమర్శలు రాజకీయంగా ప్రాధాన్యం సంతరించుకున్నాయి.