ఫెంటీ బ్యూటీ ప్రమోషన్ కోసం భారత్‌కు వచ్చిన రిహానా

వరల్డ్ ఫేమస్ పాప్ సింగర్ రిహానా అంబానీ ఇంటిలో సందడి చేశారు. రిలయన్స్ రిటైల్ భాగస్వామ్యంతో ‘ఫెంటీ బ్యూటీ’ (Fenty Beauty) ఉత్పత్తుల ప్రమోషన్ కోసం భారత్‌కు వచ్చిన ఆమె, అంబానీ నివాసాన్ని సందర్శించారు. ఈ సందర్భంగా అంబానీ కుటుంబం ఆమెకు ఘన స్వాగతం పలికింది.

ఈ వేడుకలో ఈశా అంబానీ, శ్లోకా మెహతా, రాధికా మర్చంట్, అనంత్ అంబానీతో కలిసి రిహానా సంప్రదాయ నృత్యాలతో ఉత్సాహంగా పాల్గొన్నారు. అలాగే అంబానీ కుటుంబంతో కలిసి పూజా కార్యక్రమాల్లో కూడా ఆమె పాల్గొన్నారు. భారతీయ సంస్కృతి, సంప్రదాయాలు ఉట్టిపడేలా జరిగిన ఈ వేడుకల ఫొటోలు ప్రస్తుతం సోషల్ మీడియాలో వైరల్ అవుతున్నాయి.