చమురు ధరలు ఆకాశాన్ని తాకాయి.. అమెరికా – ఇరాన్ ఉద్రిక్తత ప్రభావం

అమెరికా ఇరాన్ ఓడరేవులపై దిగ్బంధనం విధించడంతో చమురు సరఫరా వ్యవస్థపై తీవ్ర ప్రభావం పడింది. ఇరాన్ అణు ఒప్పందం చేసుకునే వరకు హర్మూజ్ జలసంధి దిగ్బంధనాన్ని కొనసాగిస్తామని అమెరికా అధ్యక్షుడు ట్రంప్ పేర్కొనడంతో అంతర్జాతీయ మార్కెట్లలో ముడి చమురు ధరలు ఒక్కసారిగా పెరిగాయి. ఈ పరిణామంతో గ్లోబల్ ఎనర్జీ మార్కెట్‌లో ఆందోళన నెలకొంది.

దీని ప్రభావంగా బ్రెంట్ క్రూడ్ బ్యారెల్ ధర సుమారు 6 శాతం పెరిగి 120 డాలర్లను దాటింది. 2022 తర్వాత చమురు ధరలు ఈ స్థాయిలో పెరగడం ఇదే తొలిసారి కావడం విశేషం. అంతర్జాతీయ మార్కెట్లలో ఈ పెరుగుదల మరింత అస్థిరతకు దారితీయవచ్చని విశ్లేషకులు అంచనా వేస్తున్నారు.