మళ్ళీ వరుస విజయాల కోసం సిద్ధూ కొత్త ప్లాన్?

‘టిల్లు’ ఫ్రాంచైజీతో సిద్ధు జొన్నలగడ్డకు మంచి గుర్తింపు వచ్చింది. అయితే ఆ సినిమాల తరువాత ఆయన నటించిన చిత్రాలు ఆశించిన ఫలితాలను అందుకోలేకపోయాయి. దీంతో కొత్త ప్రాజెక్టుల ఎంపికలో సిద్ధు ఆచితూచి వ్యవహరిస్తున్నారు. ఇందులో భాగంగా కొన్ని కథలను పక్కనపెట్టి, ‘ఏజెంట్ సాయి శ్రీనివాస ఆత్రేయ’తో గుర్తింపు తెచ్చుకున్న స్వరూప్ RSJ దర్శకత్వంలో ‘లుంగీమ్యాన్’ అనే థ్రిల్లర్ చేస్తున్నారు. సితార ఎంటర్టైన్మెంట్స్ నిర్మిస్తున్న ఈ చిత్రాన్ని 2027 వేసవిలో విడుదల చేయాలని భావిస్తున్నారు.
ఇదిలా ఉండగా, సిద్ధు తాజాగా మరో సినిమాకు కూడా అంగీకారం తెలిపారు. సుకుమార్ రైటింగ్స్, బన్నీ వాస్ సంయుక్తంగా నిర్మించనున్న ఈ చిత్రానికి కొత్త దర్శకుడు బాబీ దర్శకత్వం వహించనున్నారు. డిసెంబర్ 11 నుంచి చిత్రీకరణ ప్రారంభించేందుకు ఏర్పాట్లు జరుగుతున్నాయి. మొత్తం 3 భారీ షెడ్యూళ్లలో షూటింగ్ పూర్తి చేయాలని ప్రణాళిక సిద్ధం చేశారు. ఈ సినిమాకు సంబంధించిన అధికారిక ప్రకటనతో పాటు నటీనటులు, సాంకేతిక బృందం వివరాలను త్వరలో వెల్లడించనున్నారు. వరుసగా కొత్త కథలతో ప్రేక్షకుల ముందుకు రావాలని సిద్ధు ప్రయత్నిస్తున్నారు.