ఎంబ్రాయర్ విమానాలకు డీజీసీఏ టైప్ సర్టిఫికేషన్

బ్రెజిల్‌కు చెందిన ప్రముఖ విమాన తయారీ సంస్థ ఎంబ్రాయర్‌కు చెందిన ఈ195-ఈ2, ఈ190, ఈ195 వాణిజ్య విమానాలకు భారత డీజీసీఏ నుంచి టైప్ సర్టిఫికేషన్ లభించింది. ఈ అనుమతితో భారత విమానయాన రంగంలో ఎంబ్రాయర్ విస్తరణకు మరింత ఊతం లభించింది. ఇదే సమయంలో ప్రాంతీయ విమానయాన సంస్థ స్టార్ ఎయిర్ వినియోగిస్తున్న ఈ175 విమానానికి ఇప్పటికే డీజీసీఏ ఆమోదం ఉంది.

ఈ సందర్భంగా ఎంబ్రాయర్ సీనియర్ వైస్ ప్రెసిడెంట్ రౌల్ విలారన్ డీజీసీఏకు కృతజ్ఞతలు తెలిపారు. విమానాలపై క్షుణ్ణంగా పరీక్షలు నిర్వహించి ఈ సర్టిఫికేషన్ ఇవ్వడం అభినందనీయమన్నారు. ఒక విమానానికి సంబంధించిన డిజైన్, భద్రత, గాల్లో ఎగిరే సామర్థ్యం అన్ని ప్రమాణాలకు సరిపోతుందని నిర్ధారించే ఆమోదమే టైప్ సర్టిఫికేషన్.