నష్టాల తో స్టార్ట్ అయిన స్టాక్ మార్కెట్

దేశీయ స్టాక్ మార్కెట్లు మంగళవారం ఉదయం ట్రేడింగ్‌లో నష్టాలతో ప్రారంభమయ్యాయి. అంతర్జాతీయ మార్కెట్ల నుంచి వచ్చిన బలహీన సంకేతాలు, విదేశీ పెట్టుబడిదారుల వరుస విక్రయాల కారణంగా సూచీలపై ఒత్తిడి పెరిగింది. బాంబే స్టాక్ ఎక్స్చేంజ్ సూచీ సెన్సెక్స్ 209 పాయింట్లకు పైగా పడిపోయి 84,486 స్థాయిలో ట్రేడవుతుండగా, నేషనల్ స్టాక్ ఎక్స్చేంజ్ నిఫ్టీ 63 పాయింట్లకు పైగా నష్టంతో 25,879 వద్ద కొనసాగుతోంది.

ప్రధానంగా ఐటీ, బ్యాంకింగ్, రియల్టీ రంగాలకు చెందిన షేర్లలో అమ్మకాల ఒత్తిడి ఎక్కువగా కనిపిస్తోంది. అమెరికా మార్కెట్లలోని అస్థిరతతో పాటు భౌగోళిక రాజకీయ ఉద్రిక్తతలు మదుపర్ల మనోభావాలపై ప్రతికూల ప్రభావం చూపుతున్నాయి. ప్రారంభంలోనే సెన్సెక్స్ కీలకమైన 84,500 స్థాయి కంటే దిగువకు జారిపోవడం మార్కెట్ వర్గాల్లో ఆందోళనను పెంచుతోంది. ట్రేడింగ్ కొనసాగుతున్న కొద్దీ మార్కెట్ల దిశ ఏవైపు మళ్లుతుందో చూడాల్సి ఉంది.