రెడిట్ తరహాలో ‘Forum’ యాప్‌ను తీసుకొచ్చిన మెటా..

మెటా సంస్థ ఫేస్‌బుక్ గ్రూప్స్ ఆధారంగా రూపొందించిన ‘ఫోరం’ అనే కొత్త స్టాండ్‌అలోన్ యాప్‌ను నిశ్శబ్దంగా విడుదల చేసింది. ఈ యాప్ వినియోగదారులకు రెడిట్ తరహా కమ్యూనిటీ చర్చల అనుభవాన్ని అందిస్తుంది. యూజర్లు తమ ఫేస్‌బుక్ అకౌంట్‌తో లాగిన్ అయి, తాము సభ్యులుగా ఉన్న గ్రూపుల పోస్టులను ప్రత్యేక ఫీడ్ రూపంలో చూడవచ్చు. ప్రస్తుతం ఈ యాప్ అమెరికాలోని iOS వినియోగదారులకు మాత్రమే అందుబాటులో ఉంది.

ఫోరం యాప్‌లో ఏఐ ఆధారిత ‘Ask’ ఫీచర్ ప్రధాన ఆకర్షణగా నిలుస్తోంది. వివిధ గ్రూపుల చర్చల ఆధారంగా ఏఐ సమాధానాలు అందించడంతో పాటు, సంబంధిత ఒరిజినల్ పోస్టులకు కూడా యూజర్లను తీసుకెళ్తుంది. గ్రూప్ అడ్మిన్లకు ఏఐ మోడరేషన్ టూల్స్ కూడా అందుబాటులో ఉన్నాయి. ఇటీవల ఇన్‌స్టెంట్స్ యాప్‌ను విడుదల చేసిన మెటా, భవిష్యత్తులో మరిన్ని స్టాండ్‌అలోన్ సోషల్ యాప్స్‌ను ఏఐ సాయంతో వేగంగా తీసుకురావాలని లక్ష్యంగా పెట్టుకున్నట్లు సమాచారం.