ఒక్క టోర్నీలో రెండు పతకాలు...చెస్ లో భారత్ జోరు

భారత గ్రాండ్‌మాస్టర్‌ ఇనియన్‌ పన్నీర్‌సెల్వం కామన్వెల్త్‌ చెస్‌ చాంపియన్‌షిప్‌లో అద్భుత ప్రదర్శన కనబరిచాడు. శ్రీలంకలోని కలుతారలో నిర్వహించిన ఈ పోటీల్లో ర్యాపిడ్‌, బ్లిట్జ్‌ విభాగాల్లో విజేతగా నిలిచి రెండు స్వర్ణ పతకాలను కైవసం చేసుకున్నాడు.

ర్యాపిడ్‌ విభాగంలో భారత్‌కే చెందిన శ్రీహరికి రజత పతకం లభించగా, మిత్రాబకు కాంస్య పతకం దక్కింది. భారత ఆటగాళ్లు ఈ విభాగంలో ఆధిపత్యం చాటుతూ పతకాల పట్టికలో సత్తా చాటారు.

బ్లిట్జ్‌ విభాగంలో కూడా భారత గ్రాండ్‌మాస్టర్లు మెరుగైన ప్రదర్శన కొనసాగించారు. రోహిత్‌ రజత పతకం గెలుచుకోగా, శ్రీహరి కాంస్య పతకం సాధించాడు. భారత క్రీడాకారుల విజయాలతో కామన్వెల్త్‌ చెస్‌ పోటీలు భారత్‌కు గర్వకారణంగా మారాయి.