భారత మహిళల క్రికెట్‌ జట్టు కెప్టెన్‌గా స్మృతి మంధాన

భారత మహిళల క్రికెట్‌ జట్టు పూర్తి స్థాయి వైట్‌బాల్‌ కెప్టెన్‌గా స్మృతి మంధానను బీసీసీఐ నియమించింది. 2013 నుంచి భారత జట్టులో కొనసాగుతున్న మంధానకు అంతర్జాతీయ క్రికెట్‌లో విశేష అనుభవం ఉంది. ఇప్పటికే భారత్‌కు 18 టీ20లు, నాలుగు వన్డేల్లో కెప్టెన్‌గా వ్యవహరించిన ఆమె ఇటీవల మహిళల ప్రీమియర్‌ లీగ్‌లో రాయల్‌ ఛాలెంజర్స్‌ బెంగళూరును 2024, 2026 సీజన్లలో టైటిల్స్‌కు నడిపించింది.

భారత మహిళల జట్టు కొత్త దశలోకి అడుగుపెడుతున్న సమయంలో మంధానకు కెప్టెన్సీ బాధ్యతలు అప్పగించారు. భారత్‌కు నాయకత్వం వహించడం ఎంతో ప్రత్యేకమైన గౌరవమని మంధాన పేర్కొంటూ, బీసీసీఐ, సెలెక్టర్లు, సహచర ఆటగాళ్లు, అభిమానులకు కృతజ్ఞతలు తెలిపారు. కెప్టెన్‌గా హర్మన్‌ప్రీత్‌ కౌర్‌ అందించిన సేవలను కూడా ఆమె గుర్తుచేశారు. మంధాన నాయకత్వంలో భారత క్రికెట్‌ను మరింత ముందుకు తీసుకెళ్లేందుకు కృషి చేస్తానని తెలిపారు. బీసీసీఐ అధ్యక్షుడు మిథున్‌ మన్హాస్‌, గౌరవ కార్యదర్శి దేవజిత్‌ సైకియా ఆమెకు అభినందనలు తెలిపారు.