భారత్‌ vs అఫ్గాన్‌: సిరీస్ పై భారత్ ఫోకస్...లఖ్‌నవూలో కీలక పోరు

లఖ్‌నవూలోని ఏకనా క్రికెట్ స్టేడియం వేదికగా భారత్-అఫ్గానిస్థాన్ మధ్య రెండో వన్డే మ్యాచ్ జరుగుతోంది. టాస్ గెలిచిన అఫ్గానిస్థాన్ జట్టు ముందుగా బౌలింగ్ ఎంచుకుంది. తొలి వన్డేలో విజయం సాధించిన టీమ్ ఇండియా ఈ మ్యాచ్‌లోనూ గెలిచి సిరీస్‌ను సొంతం చేసుకోవాలని లక్ష్యంగా పెట్టుకుంది.

ఈ మ్యాచ్ ద్వారా యువ ఆటగాడు ప్రిన్స్ యాదవ్ భారత జట్టుకు అరంగేట్రం చేశాడు. దీంతో ఒకే సిరీస్‌లో భారత్ తరఫున అరంగేట్రం చేసిన మూడో ఆటగాడిగా నిలిచాడు. తొలి వన్డేలో హర్ష్ దూబే, గుర్నూర్ బ్రార్ తమ తొలి అంతర్జాతీయ మ్యాచ్ ఆడారు. శుభ్‌మన్ గిల్ నాయకత్వంలోని భారత జట్టు మూడు మార్పులతో బరిలోకి దిగగా, హష్మతుల్లా షాహిది నేతృత్వంలోని అఫ్గానిస్థాన్ సిరీస్‌ను సమం చేయాలని పట్టుదలతో ఉంది.