భారీ అంచనాల మధ్య వచ్చిన ‘దృశ్యం 3’ ఎలా ఉంది ?

విడుదల తేదీ: మే 21

నటీనటులు: మోహన్ లాల్, మీనా, అన్సిబా హసన్, ఎస్తేర్ అనిల్, ఇతరులు

దర్శకుడు: జీతూ జోసెఫ్

నిర్మాతలు: ఆంటో జోసెఫ్, ఆంథోనీ పెరుంబవూర్

సంగీత దర్శకుడు: అనిల్ జాన్సన్

సినిమాటోగ్రాఫర్: సతీష్ కురుప్

ఎడిటర్: వి.ఎస్ వినాయక్

కథ:
వరుణ్ హత్య కేసు నుంచి తన కుటుంబాన్ని కాపాడేందుకు జార్జ్‌కుట్టి మరోసారి తెలివైన ప్లాన్‌తో ముందుకు వస్తాడు. ఈసారి తన కథనే సినిమాగా తెరకెక్కించి బయటపడే ప్రయత్నం చేస్తాడు. అయితే కూతురు పెళ్లి విషయంలో ఎదురయ్యే సమస్యలు, పాత కేసు మళ్లీ తెరపైకి రావడం, సహదేవ్ అనే పోలీస్ కానిస్టేబుల్ మళ్లీ జార్జ్ వెంటే పడటం కథను కొత్త మలుపుల్లోకి తీసుకెళ్తాయి. చివరికి జార్జ్‌కుట్టి మళ్లీ గెలిచాడా లేదా అన్నదే సినిమా అసలు కథ.

ప్లస్ పాయింట్లు:
మోహన్ లాల్ నటన ఈ సినిమాకి ప్రధాన బలం. ఎప్పటిలాగే సైలెంట్ యాక్టింగ్‌తో జార్జ్‌కుట్టి పాత్రలో ఒదిగిపోయాడు. సెకండ్ హాఫ్‌లో వచ్చే ట్విస్టులు, స్క్రీన్‌ప్లే కొన్ని చోట్ల ఆసక్తిని పెంచుతాయి. సినిమాటోగ్రఫీ చాలా రిచ్‌గా కనిపించింది. అనవసరమైన పాటలు లేకుండా కథను నేరుగా నడిపించడం కూడా ప్లస్ అయ్యింది.

మైనస్ పాయింట్లు:
మొదటి రెండు భాగాల స్థాయిలో ఈ సినిమా ఎంగేజ్ చేయలేకపోయింది. ఫస్ట్ హాఫ్ నెమ్మదిగా సాగుతుంది. కొన్ని సన్నివేశాలు అవసరానికి మించి లాగిన ఫీలింగ్ ఇస్తాయి. ముఖ్యంగా తెలుగు డబ్బింగ్ చాలా వీక్‌గా అనిపించింది. ఎడిటింగ్‌లో ఇంకాస్త ట్రిమ్ చేసి ఉంటే సినిమా మరింత బెటర్‌గా ఉండేదనే భావన కలుగుతుంది.

సాంకేతిక విభాగం:
దర్శకుడు జీతూ జోసెఫ్ మరోసారి ట్విస్టులతో కథను నడిపించే ప్రయత్నం చేశారు. సినిమాటోగ్రఫీ, బ్యాక్‌గ్రౌండ్ మ్యూజిక్ కథకు బాగా సెట్ అయ్యాయి. అయితే ఎడిటింగ్ విషయంలో ఇంకా కేర్ తీసుకుని ఉంటే సినిమా మరింత షార్ప్‌గా కనిపించేది.

తీర్పు:
‘దృశ్యం 3’ పూర్తిస్థాయిలో మెప్పించకపోయినా, థ్రిల్లర్ అంశాలతో కొంతవరకు ఎంగేజ్ చేస్తుంది. అయితే మొదటి రెండు భాగాల స్థాయి అంచనాలతో వెళ్తే కొంత నిరాశ తప్పదు.

రేటింగ్: 2.5/5