దసరాకు విజయసాయిరెడ్డి కొత్త పార్టీ..

విజయసాయిరెడ్డి కొత్త రాజకీయ పార్టీ ఏర్పాటు దిశగా కీలక ప్రకటన చేశారు. దసరా సందర్భంగా పార్టీని ప్రారంభించే ఆలోచనలో ఉన్నట్లు ఎక్స్‌ వేదికగా వెల్లడించారు. నవరాత్రి పర్వదినాల్లో పార్టీ పేరు, జెండా, ఎజెండాను సిద్ధం చేస్తానని తెలిపారు. ఈ ప్రకటనతో ఆయన కొత్త రాజకీయ ప్రయాణంపై ఆసక్తి నెలకొంది.

ప్రతి నియోజకవర్గంలో ప్రతిభావంతులైన కొత్త నాయకత్వాన్ని తయారు చేయడమే లక్ష్యమని విజయసాయిరెడ్డి పేర్కొన్నారు. అధికారం జెన్‌జీ చేతుల్లో ఉండాలని, తాను బాల్‌ఠాక్రే తరహా పాత్ర పోషిస్తానని వ్యాఖ్యానించారు. అయితే పార్టీ విధానాలు, నిర్మాణం, ప్రారంభ తేదీకి సంబంధించిన పూర్తి వివరాలు ఇంకా వెల్లడించాల్సి ఉంది.