ఏపీ ఎన్నికలపై ఎస్‌ఈసీ కీలక ప్రకటన

ఆంధ్రప్రదేశ్ రాష్ట్రంలో స్థానిక సంస్థల ఎన్నికలు నిర్వహించేందుకు ఇంకా రెండు నెలల సమయం పట్టే అవకాశం ఉందని రాష్ట్ర ఎన్నికల కమిషనర్ అనిల్ చంద్ర పునేఠా తెలిపారు. ఓటరు జాబితా, రిజర్వేషన్లు, కోర్టు కేసులు వంటి కీలక అంశాలపై స్పష్టత వచ్చిన తర్వాతే ఎన్నికల ప్రక్రియను ముందుకు తీసుకెళ్లనున్నట్లు వెల్లడించారు.

ఎన్నికలు ఆలస్యమైనప్పటికీ, వాటి నిర్వహణకు అవసరమైన అంతర్గత ఏర్పాట్లను ఇప్పటికే ప్రారంభించినట్లు ఎన్నికల కమిషన్ తెలిపింది. పారదర్శకంగా, సజావుగా ఎన్నికలు నిర్వహించేందుకు అన్ని చర్యలు తీసుకుంటున్నట్లు పేర్కొంది.