అసెంబ్లీ సమావేశాలకు కేసీఆర్ రావాలి – మంత్రి కోమటిరెడ్డి వెంకటరెడ్డి

రాబోయే శాసనసభ సమావేశాలకు మాజీ ముఖ్యమంత్రి కేసీఆర్ హాజరు కావాలని మంత్రి కోమటిరెడ్డి వెంకటరెడ్డి కోరారు. రాష్ట్ర అభివృద్ధికి సంబంధించిన విషయాలపై ఆయన అనుభవం, సూచనలు ప్రభుత్వానికి ఉపయోగపడతాయని తెలిపారు. శాసనసభలో జరిగే చర్చల్లో పాల్గొని తన అభిప్రాయాలను వెల్లడించాలని కోరారు.

గత శాసనసభ సమావేశాలకు కేసీఆర్ స్వల్పంగా వచ్చి వెంటనే వెళ్లిపోయారని ఆయన గుర్తుచేశారు. ప్రజల సమస్యలు, రాష్ట్ర ప్రయోజనాలపై చర్చించేందుకు శాసనసభ ముఖ్యమైన వేదిక అని చెప్పారు. ఈసారి సమావేశాలకు తప్పకుండా హాజరై ప్రభుత్వానికి సలహాలు, సూచనలు ఇవ్వాలని కోమటిరెడ్డి విజ్ఞప్తి చేశారు.