నీట్‌ అంశంపై రాహుల్‌పై జితేంద్ర సింగ్‌ ఫైర్‌

కాంగ్రెస్‌ అగ్రనేత రాహుల్‌ గాంధీపై కేంద్ర మంత్రి జితేంద్ర సింగ్‌ తీవ్ర విమర్శలు చేశారు. నీట్‌ అంశంపై పార్లమెంట్‌లో చర్చకు సంబంధించి రాహుల్‌ మాట తప్పారని ఆరోపించారు. ఈ మేరకు మంగళవారం సాయంత్రం తన ఎక్స్‌ ఖాతాలో జితేంద్ర సింగ్‌ పోస్టు చేశారు. నీట్‌పై చర్చకు ప్రభుత్వం సిద్ధమని ప్రకటించిన తర్వాత రాహుల్‌ తన వైఖరిని మార్చుకున్నారని ఆయన పేర్కొన్నారు.

జితేంద్ర సింగ్‌ తన పోస్టులో కేంద్ర హోంశాఖ కార్యదర్శి గోవింద్‌ మోహన్‌తో కలిసి చర్చలు జరిపినట్లు తెలిపారు. నీట్‌పై పార్లమెంట్‌లో చర్చ జరపాలని రాహుల్‌ డిమాండ్‌ చేశారని, అందుకు ప్రభుత్వం అంగీకరించిందని పేర్కొన్నారు. అయితే అనంతరం కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా చేయాలని కొత్త డిమాండ్‌ చేయడం సరికాదని జితేంద్ర సింగ్‌ విమర్శించారు.